Pesta Puncak Parheheon Ama HKBP Distrik XXI Banten
Nunga leleng dipabangkit Panitia Parheheon Ama di Distrik XXI BANTEN, ditotophon ma Resort Ciputat Gabe Bolahan amak jala disangkapi Patupaon ma parheheon i di bulan Juli-Agustus 2021 ni dohotan ni Punguan Ama se-Distrik XXI Banten. Ragam ni Pertandingan Olah Raga : volley bulutangkis, tenis meja dohot catur.
Hape dinasopanagaman tung na manginsombut do sorimago na lam tu jorbutna covid-19, pandemi di liat portibi on, nang pe di luatta on. Nang pe songon i ingkon waspada do hita tu covid-19 naso mansohot dope. Asa tongtong ma hita mangingot laho manjaga protokol kesehatan songon nanianjurhon ni pamarenta, gugus covid-19 nasional. Ima mambahen mansai godang halangan na mambahen hurang dasip kepanitiaan dohot pertandingan. Ditunda ma paima humosa, paima adong tingki na lehet.
Hinorhon nunga lam denggan be situasi, kondisi pandemic nunga moru, alani saut do dipatupa ulaon Parheheon i. Pertandingan berlangsung ma di bulan April 2022. Denggan do mardalan pertandingan horas so hariboriboan. Pesta Puncak Parheheon Ama Distrik XXI, dilaksanahon di ari Selasa 3 Mei 2022 maringanan di HKBP Ciputat.
Tona ni Amang Praeses Pdt. J. Hutauruk di jamitana mandok di jolo ni sude pandita di Distrik XXI Banten, asa unang ma holan na juara i nabinuat Jala unang holan na ingkon monang. Marlas ni roha ma di sude keadaan, na talu pe antong tamotivasi asa monang di parheheon taon naro. Tujuan ni Parheheon Ama ima laho Pasadahon parsaoran ni Ama di Distrik XXI Banten. Ingkon ingotonta do i.
Penyerahan Piala dohot Pembinaan Pemenang dipasahat ma di tingki i . Godang ni ressort na mandohoti pertandingan 13 ressort jala cabang olahraga na di pertandinghon, opat cabang: Badminton, Bola Volley, Catur dohot Tennis Meja. HKBP Citra Raya ma ressort na gabe juara umum.
Hasil pertandingan parheheon Ama se Distrik XXI Banten. Juara Badminton : 1.HKBP Citra Raya 2.HKBP Kuta Jaya 3.HKBP Serang, Bola Volley 1. HKBP Citra Raya 2.HKBP Kuta Jaya 3.HKBP Kota Bumi
Juara Catur : 1.HKBP Kuta Jaya 2.HKBP Perumnas Tangerang 3. HKBP Kota Bumi. Tenis Meja : 1 .HKBP Ciputat 2. HKBP Perumnas Tangerang 3. HKBP Citra Raya. Jala HKBP Citra Raya dipatama gabe Tuan Rumah parheheon Ama taon 2023. (Hotma DL. Tobing/ P. Sam – B’TIK)
